ТР ДТК инспекциясендә вакантлы вазыйфаларны биләүгә конкурс уздырылды
2025 елның 13 ноябрендә ТР Дәүләт төзелеш күзәтчелеге инспекциясендә вакантлы вазыйфаларны биләүгә конкурс булды. Ул ведомство башлыгы В.Р. Нәҗмиев рәислегендә узды.
Конкурс комиссиясе составына Инспекция башлыгының беренче урынбасары И.Ф. Сафиуллин, Инспекция башлыгы урынбасары А.С. Ганиев, юридик бүлек башлыгы Л.Т. Булатова, дәүләт хезмәте һәм кадрлар бүлеге башлыгы Л.Л. Әбделкасыймова, дәүләт хезмәте һәм кадрлар бүлегенең әйдәп баручы киңәшчесе О.П. Сорокина (конкурс комиссиясе секретаре) керде.
Кандидатларны бәяләү өчен шулай ук бәйсез эксперт – Казан дәүләт архитектура-төзелеш университетының «Төзелеш производствосы технологияләре» кафедрасы доценты, техник фәннәр кандидаты А.Н. Богданов чакырылган иде.
Конкурс кысаларында хезмәткәрләр Казан (Идел буе) федераль университетының Н.И. Лобачевский исемендәге Фәнни китапханәдә компьютер тестын уздылар, аннары конкурс комиссиясе сорауларына җавап бирделәр.
Конкурс комиссиясе тарафыннан Капиталь төзелеш объектларын төзү һәм реконструкцияләүгә күзәтчелек буенча Көньяк-көнчыгыш территориаль органына вакантлы вазыйфаларны биләүгә дүрт кандидат – Д.Г. Шәфыйков, Э.В. Мингалев, И.Л. Юнысов, Р.М. Насыйков каралды.
Чараны ТР Дәүләт төзелеш күзәтчелеге инспекциясенең дәүләт хезмәте һәм кадрлар бүлеге оештырды.
