Казанның Подлужная урамында яңа «Кубәлек» үзәге төзелде
2025 елның 12 сентябрендә ТР Дәүләт төзелеш күзәтчелеге инспекциясе Казанның Подлужная урамындагы «Күбәләк» иҗтимагый үзәге бинасын төзүчегә аның проект документациясе таләпләренә туры килүе турында бәяләмә бирде.
Объектны төзүче – «Бриг» ҖЧҖ. Техник заказчысы – «Ананта» ҖЧҖ. Генераль подрядчы – «Викара» ҖЧҖ. Проектлаучы – «Татинвестгражданпроект» төп территориаль проект-тикшеренү фәнни-җитештерү фирмасы» ДУП.
Үзәк дүрт бинадан торган гастрокомплекстан гыйбарәт, аларга янкорма рәвешендә төзелгән техник һәм склад бүлмәләре бар. Комплексның формасы нигезенә күбәләк образы салынган. Аның архитектурасы ландшафт, Казансу елгасының су агымы һәм аның тирәсендәге территориянең калкулыклары белән гармониядә тора.
Киләчәктә биредә гомуми туклану базарының федераль һәм төбәк уенчылары тәкъдим ителәчәк. Бу эре ресторан холдинглары да, җирле оешмалар да булачак, алар кунакларга төрле кухня төрләрен һәм ял итү форматын, шул исәптән гаилә кафеларын да тәкъдим итәчәк.
2019 елда Татарстан башлыгы Рөстәм Миңнеханов, «Татарстанның эшлекле партнёрлары» форумының пленар утырышында чыгыш ясап, татар бизнесменнарын татар милли ашларын популярлаштырырга өндәде. «Безгә үз милли кухнябызны популярлаштыру эшендә күбрәк эшләргә кирәк. Казанга килгән һәм бервакыт татар ашларыннан авыз иткән теләсә кайсы кеше аларны кайда, кайсы ресторанда ашап була дип сорый», – диде ул.
#РаисРТ #gosstroinadzor_rt #Татарстан #Строительство
