Татарстан Республикасы Дәүләт төзелеш күзәтчелеге хезмәткәрләре квалификация күтәрү курсын уздылар
«Еллар безгә тәҗрибә бирә, уку – белем».
Николай Островский
Бөек совет язучысы, «Как закалялась сталь» романы авторы цитатасы белән килешмичә мөмкин түгел. Моның дәлиле – квалификация күтәрү.
Квалификация күтәрү – өстәмә һөнәри белем бирү. Яңа технологияләр, яңа алымнар – болар барысы да даими укытуны таләп итә. Квалификация күтәрү трендлардан калышмаска, яңа инструментларны үзләштерергә һәм, нәтиҗә буларак, кыйммәтлерәк белгеч булырга ярдәм итә.
Ә тагын бу хезмәттәшләр белән танышу, тәҗрибә уртаклашу, башкаларның ничек эшләвен белү өчен дә менә дигән мөмкинлек. Кайчагында нәкъ менә формаль булмаган шартларда иң кызыклы идеяләр һәм чишелешләр туа.
ТР Дәүләт төзелеш күзәтчелеге инспекциясенең Казан шәһәре буенча территориаль органы хезмәткәрләре Әнәс Рәхимов, Диас Вальщиков, Фәнис Кәримуллин, Рөстәм Минсафин һәм Ләйсән Галимова «Контроль-күзәтчелек эшчәнлеген камилләштерү» өстәмә һөнәри белем бирү программасы буенча ике көнлек квалификация күтәрү курсын үттеләр.
Укыту программасы Казан (Идел буе) федераль университетының Дәүләт һәм муниципаль идарә югары мәктәбе мәйданчыгында гамәлгә ашырылды. Аны тәмамлагач, безнең белгечләргә таныклыклар тапшырылды. Аларны чын күңелдән котлыйбыз һәм киләчәк эшләрендә уңышлар телибез!
Фотода: ТР Дәүләт төзелеш күзәтчелеге инспекциясенең Казан шәһәре буенча территориаль органы хезмәткәрләре Әнәс Рәхимов, Диас Вальщиков, Фәнис Кәримуллин, Рөстәм Минсафин.
