Казанның «Лето» торак комплексында 1224 нче урынга исәпләнгән яңа мәктәп төзелде
ТР Дәүләт төзелеш күзәтчелеге Казан шәһәре Совет районының «Лето» торак комплексында яңа гомуми белем бирү мәктәбенең проект документациясе таләпләренә туры килү-килмәвен тикшерә . Бу 123 нче физика-математика лицее. Ул 1224 урынга исәпләнгән.
Мәктәпне агымдагы елның февралендә төзи башладылар. Күзәтчелектәге объект бинасы өч каттан тора. Биредә уку сыйныфлары (шул исәптән татар һәм чит телләр сыйныфлары), озайтылган көн төркемнәре өчен биш уен бүлмәсе, логопед кабинеты, башлангыч сыйныфларны укытучылар бүлмәсе, укучылар өчен, шул исәптән аз хәрәкәтләнүче төркемнәр (МГН) өчен, һәм һәр кат өчен кирәкле күләмдә укытучыларга каралган рекреация һәм бәдрәф урыннары. Шулай ук мәктәптә мәдәни чаралар оештыру өчен актлар залы да бар.
Бинаның көньяк өлешендә беренче каттан өченче катка кадәр башлангыч сыйныфлар блогы бүленгән, ул аерым һәм башка яшь төркемнәре укучылары өчен үтә алмаслык, ике аерым баскыч шакмагыннан тора. Беренче катта башлангыч сыйныфлар блогы өчен гардероб урнаштырылган.
Спорт блогы бинаның төньяк-көнчыгыш өлешендә урнашкан һәм аерымланган катлы зур һәм кече спорт залларыннан, өлкән, урта һәм кече сыйныфлар өчен ике бассейннан тора.
Бинаның төньяк өлешендә беренче катта гомуми туклану блогы урнашкан. Аш бүлмәсе янында тарату линиясе, барлык кирәкле цехлар, склад бүлмәләре, персонал бүлмәләре бар. Подвалда бинага хезмәт күрсәтү өчен техник бүлмәләр урнашкан. Беренче каттан өченче катка кадәр ике лифт ярдәмендә МГН өчен керү мөмкинлеге тәэмин ителгән.
Уку йорты территориясе төзекләндерелгән. Анда укучылар өчен физик культура белән шөгыльләнү һәм ярышлар үткәрү өчен спорт мәйданчыгы урнашкан.
Объектны төзүче һәм техник заказ бирүче – «Татарстан Республикасының Баш инвестиция-төзелеш идарәсе» ДКУ. Проектлаучы – «КРК Проект» ҖЧҖ. Подрядчы – «Олимп Строй» ҖЧҖ.
Яңа мәктәп «Яшьләр һәм балалар» илкүләм проектын гамәлгә ашыру кысаларында төзелгән. Ул яшьләрнең талантларын үстерү һәм үз-үзләрен тормышка ашыру мөмкинлекләрен булдыруга юнәлдерелгән. Илкүләм проект үзәгендә – мәктәпләр төзү һәм ремонтлау, педагогларның квалификациясен күтәрү, укытуның яңа методикаларын һәм укыту өчен уңайлы шартлар булдыру.
