ТР Дәүләт төзелеш күзәтчелеге Түбән Каманың Красный Ключ бистәсендә төзелгән йортларны хуплады

2025 елның 11 августы, дүшәмбе

2025 елның 11 августында ТР Дәүләт төзелеш күзәтчелеге Түбән Кама муниципаль районының Красный Ключ бистәсендә торак төзелешенең 3 нче этабының 7 нче һәм 8 нче йортларын төзүчегә объектларның проект документациясе таләпләренә туры килүе турында бәяләмә бирде.

Һәр биш катлы йортта гомуми мәйданы 1228,90 кв. метр булган 20 фатир төзелгән.

Төзүче – «Терра Парк» ҖЧҖ. Техник заказ бирүче һәм генераль подрядчы – «Инжиниринг һәм проектлар белән идарә итү үзәге» МТ ҖЧҖ. Проектлаучы – «Акведук» ҖЧҖ.

Соңгы елларда торак төзелгән Красный Ключ бистәсенең мәйданы киңәя. Гражданнарыбызның торак белән тәэмин ителешен арттыру – «Тормыш өчен инфраструктура» илкүләм проектының төп бурычларының берсе.