2025 елның 1 яртыеллыгында ТР ДТК инспекциясенә республика гражданнарыннан 451 мөрәҗәгать керде
2025 елның беренче яртыеллыгында Татарстан Республикасы Дәүләт төзелеш күзәтчелеге инспекциясенә 451 мөрәҗәгать керде, шул исәптән 441 язма мөрәҗәгать, шуларның 82се Инспекциянең Интернет-кабул итү системасы аша килде. Гражданнарның барлык мөрәҗәгатьләре Инспекция башлыгы Вәли Нәҗмиев, аның урынбасарлары тарафыннан шәхсән каралды һәм контрольгә алынды.
Шул ук чорда 2024 елда 393 мөрәҗәгать кергән, шуларның 390ы – язма мөрәҗәгать, шул исәптән 115е Интернет аша килгән булган. Шәхси кабул итүдә 3 гражданин кабул ителде.
Гражданнар мөрәҗәгатьләре Инспекциягә почта аша, электрон мөрәҗәгатьләр (Интернет-кабул итү системасы, электрон почта), телдән мөрәҗәгатьләр рәвешендә керә.
2025 елның беренче яртыеллыгында кергән язма мөрәҗәгатьләр тематикасы буенча түбәндәге төп юнәлешләрне аерып күрсәтергә мөмкин:
- төзелеш нормаларын һәм кагыйдәләрен бозу: 105 мөрәҗәгать (23,3%);
- төзелеш һәм реконструкция алып баруның законлылыгы: 94 мөрәҗәгать (20,8%).
Төзекләндерү мәсьәләләре буенча мөрәҗәгатьләр саны кимеде (2024 елда 5,0% алып 2025 елда 1,5% кадәр). Гражданнар мөрәҗәгатьләренең шактый зур өлешен элеккечә төзелеш һәм реконструкция алып баруның законлылык мәсьәләләре буенча гаризалар тәшкил итә.
Гражданнарның Инспекция компетенциясенә карамаган мөрәҗәгатьләре, тиешле җавап бирү һәм чаралар күрү өчен, профильле оешмаларга җибәрелә. 2025 елның беренче яртыеллыгында 106 мөрәҗәгать башка адреска җибәрелде (23,5%).
2025 елның беренче яртыеллыгында ТР ДТК инспекциясе җитәкчеләре тарафыннан 10 шәхси кабул итү уздырылды, шул исәптән Инспекция башлыгы тарафыннан – 3. Барлык гражданнар да проект документларын тапшыру мәсьәләсе буенча мөрәҗәгать иттеләр. Кабул итү барышында күтәрелгән мәсьәләләр буенча мөрәҗәгать итүчеләрнең ризалыгы белән телдән аңлатмалар бирелде.
ТР ДТК инспекциясенә гражданнар мөрәҗәгатьләре буенча 2025 елның беренче яртыеллыгында документлар белән тәэмин итү һәм оештыру эшләре бүлеге тарафыннан хисап әзерләнде.
