Әлмәттә Гафиятуллин урамындагы яңа төзелешкә ярашлылык турында бәяләмә бирелде

2025 елның 23 июле, чәршәмбе

2025 елның 23 июлендә ТР Дәүләт төзелеш күзәтчелеге  Әлмәт шәһәре, Гафиятуллин урамы, з/у 48 адресы буенча урнашкан күпкатлы торак төзелешенең 1нче этабын төзүчегә объектның проект документациясе таләпләренә туры килүе турында бәяләмә бирде.

Объектны төзүче –  «ГК Реновация» МТ ҖЧҖ. Техник заказ бирүче һәм генераль подрядчы – «Руслан+» МТ ҖЧҖ. Генераль проектлаучы –«Приборавтоматиксервис» ҖЧҖ.

Проект нигезендә 16 катлы бер подъездлы өч корпус төзелеше тәмамланган. 1-2, 2-3 корпуслар арасында 2 катлы сәүдә-офис биналары төзелгән.

Булачак яшәүчеләр өчен гомуми мәйданы 19759,80 кв. метр булган 330 фатир торгызылган.

Өстәп әйтик, төзелгән участок астында автомобильләр өчен җир асты стоянкасы проектланган, ул 2 нче этапта тапшырылачак.