ТР Дәүләт төзелеш күзәтчелеге Казанның Гаврилов урамындагы яңа төзелешкә ярашлылык турында бәяләмә бирде
ТР Дәүләт төзелеш күзәтчелеге «Счастье в Казани» торак комплексында Гаврилов урамындагы 7нче йортның ике корпусын төзүчегә проект документациясе таләпләренә туры килүе турында бәяләмә бирде.
Казанның Яңа Савин районында объект төзелешенең беренче чираты «К1» (19 кат) һәм «К2» (20 кат) торак корпусларын үз эченә ала, аларның гомуми мәйданы 30259,80 кв. м тәшкил итә.
Казанлылар өчен төзелгән фатирлар саны – гомуми мәйданы 17263,20 кв.метр булган 351. Объектның стилобат өлеше түбәсендә фатир террасалары һәм һәркем өчен мөмкин булган ял итү зоналары урнаштырылган. Шулай ук ике катта урнашкан 95 машина урынлы парковка, офис эше һәм кафе өчен бүлмәләр бар.
Төзүче – «Эталон-Казан» МТ» ҖЧҖ. Техник заказ бирүче – «ГК «Эталон» АҖ. Генераль подрядчы – «СПМ-Жилстрой» ҖЧҖ. Генераль проектлаучы – «Офис Де» ҖЧҖ.
Проект документациясе нигезендә «Счастье в Казани» торак комплексында барлыгы 14 катлыдан алып 20 катлыга кадәр алты торак манара төзү планлаштырыла.
«Ил җитәкчелеге инициативасы белән гамәлгә ашырылган илкүләм проектларны, шулай ук дәүләт программаларын һәм республика проектларын гамәлгә ашыру безгә ел саен 3,5 млн кв.м торак тапшырырга мөмкинлек бирә», – дип саный Татарстан Рәисе Рөстәм Миңнеханов.
