«Эшкуар ярдәмчесе» чат-боты турында
Контроль (күзәтчелек) органнарының профилактик эшчәнлегенең мөһим элементларының берсе булып эшкуарлык субъектларына контроль (күзәтчелек) законнарын үтәү өлкәсендә хаталарны кисәтү буенча чаралар турында мәгълүмат бирү тора, ул, шул исәптән, эшкуарлар өчен контроль (күзәтчелек) эшчәнлеге турында «Сыналган бизнес» мәгълүмат порталында шундый мәгълүмат урнаштыру юлы белән дә гамәлгә ашырыла.
Порталда эшкуарлар тарафыннан 1355 бер төр хокук бозу очрагы, аларны булдырмау ысуллары, контроль (күзәтчелек) органнары белән үзара эш итү буенча 1300 бер төр сорау һәм аларга җаваплар бар.
Хәзерге вакытта «Сыналган бизнес» порталына «Госпромпт» проекты кысаларында ясалма интеллект кулланып, Telegram мессенджерында сынау режимында чат-бот – роботлаштырылган ярдәмче кертелгән. Чат-бот ярдәмендә эшкуар булачак инспектор тикшерүенә әзерләнә һәм ясалма интеллект белән әңгәмә алып бара, тикшерү вакытында үз-үзен тоту алгоритмын ала, инспектор сораган документларны тапшыруны нигезли алачак.
Эшкуарлар алынган консультациянең сыйфаты турында бәяләмә калдырырга мөмкин, бу яхшыртуны таләп итә торган өлкәләрне ачыкларга һәм тулаем алганда цифрлы сервисның нәтиҗәлелеген арттырырга мөмкинлек бирәчәк.
Чат-ботка сылтама: https://web.telegram.org/k/#@gossupervisionbot
