Казанда Яр буе урамында җитештерү корпусы төзелде
ТР Дәүләт төзелеш күзәтчелеге инспекциясе Казанның Киров районында Яр буе урамында урнашкан яңа җитештерү корпусына проект документациясе таләпләренә туры килүе турында бәяләмә бирде.
Объектны төзүче һәм техник заказ бирүче – «Неон-Арт-М» ҖЧҖ. Генераль проектлаучы – «Чебоксарский Промстройпроект» проект институты» ҖЧҖ.
Бинаның гомуми мәйданы 5030,20 кв. метр тәшкил итә. Аның конструктив схемасы – рама-бәйләнеш тибындагы корыч каркас. Фундаменты – монолиттан тимер-бетон белән субайлар. Стеналары – элмә сэндвич-панельләр. Түбәсе – яссы. Капкалары – сәнәгый, күтәртмәле, секцияле. Табигый яктырту нокталы зенит фонарьлары аша проектланган.
Функциональ билгеләнеше буенча бина ике катка бүленә. Икесендә дә җитештерү участоклары урнашкан. Беренче катта шулай ук төп керү тамбуры, баскыч шакмаклары, санузеллар, келәтләр һәм җыештыру кирәк-яраклары бүлмәсе урнаштырылган. Катлар буенча йөкләнеш Q=3000 кг сыйдырышлы күтәргеч аша башкарыла. Административ бүлмәләр һәм душ бүлмәләре белән гардероблар төзелгән антресоль каты бар.
