Җиңү Диктанты
2024 елның 26 апрелендә 12.00 сәгатьтә «Бердәм Россия» партиясенең «Тарихи хәтер» федераль проекты кысаларында Татарстан Республикасының 293 ачык мәйданчыгында Бөек Ватан сугышы вакыйгалары темасына Халыкара тарихи диктант узачак.
«Җиңү Диктанты» мәгърифәтчелек-патриотик акциясе инде алтынчы тапкыр узачак. Беренче тапкыр ул 2019 елда уздырылган, һәм ул Бөек Ватан сугышында Җиңүнең 74 еллыгын бәйрәм итүгә багышланган.
Быел акциянең биремнәре Ленинградның фашист блокадасыннан тулысынча азат ителүенең 80 еллыгына, фронтовик язучыларның юбилейларына һәм башка юбилей даталарына багышланачак.
Тестлар россиялеләрдә һәм башка дәүләтләрдә яшәүчеләрдә илебезнең хәрби тарихын өйрәнү һәм тарихи грамоталылыкны арттыруга кызыксыну уятырга тиеш.
Акциядә теләгән һәркем катнаша ала, яшьләренә һәм гражданлыгына карамастан. Тестлар акция мәйданчыкларында һәм онлайн-форматта узачак. Катнашу өчен сайтта шәхси кабинетта теркәлергә кирәк.
Анда нәтиҗәләр дә булачак. Акция мәйданчыкларында катнашу өчен паспорт һәм башка документлар бирергә кирәкми. Тестка әзерләнү, теркәлү һәм мәйданга килү җитә.
