Реконструкцияләнгән «Приволжская» 110 кВ ПС йомгаклау тикшерүе
Казанның Идел буе районында Коллекторная урамында урнашкан реконструкцияләнгән «Приволжская» 110 кВ ПС карата ТР Дәүләт төзелеш күзәтчелеге инспекциясенең күчмә йомгаклау тикшерүе башланды.
Проект буенча ЗРУ хәзерге бинасын ремонтлау (ябык бүлү җайланмасы) һәм ОПУ хәзерге бинасын демонтажлау (идарә нең гомуми подстанция пункты) каралган.
Көч трансформаторларын даими токның контроль кабельләренә, икенчел коммутация кабельләренә алыштыру буенча ремонт-тергезелеш эшләре башкарылган.
УРЗА микропроцессорлыларга алыштырып реконструкцияләү, АРНТ белән РПН микропроцессор автоматикасын урнаштыру, май кабул итү һәм май җыю җайланмалары нигезен реконструкцияләү, ОД-КЗ 110кВ, ЗРУ 6 кВ алмаштыру, КРУН 6 кВ демонтажлау эшләре башкарылган.
Шулай ук подстанция территориясен тулы завод әзерлегендәге тимер-бетон җыелма элементлардан саклау өлеше дә үзгәртеп корылган.
Объектны төзүче – «Сетевая компания» АҖ. Генераль подрядчы – «Средневолжсксельэлектросетьстрой» ҖЧҖ. Генераль проектлаучы – «Электрощит-Уфа» ҖЧҖ.
БЕЗНЕҢ БЕЛЕШМӘ: 1979 елда файдалануга тапшырылган «Приволжская» подстанциясе Казан шәһәренең Вахитов һәм Идел буе районнары, «Водоканал» МУП, Җәзаларны үтәтү федераль хезмәте идарәсе, «Европласт» Казан заводы кебек мөһим сәнәгать объектлары өчен туклану үзәге булып тора.
