Байлар Сабасында биологик чистарту корылмалары төзелешенә йомгаклау тикшерүе
ТР Дәүләт төзелеш күзәтчелеге инспекциясе шәһәр тибындагы Байлар Сабасы бистәсендә урнашкан биологик чистарту корылмалары төзелешенә йомгаклау тикшерүен үткәрә.
Объект төзелеше 2022 елның апрелендә башланган. Биологик чистарту корылмалары составында: агызу станциясе, механик чистарту бинасы, Аэротенк резервуары, чистарту бинасы, ләм туплагыч, ләмне сусызландыру бинасы, сусызландырылган ләм саклау корылмасы, реконструкцияләнә торган ләм мәйданчыгы, янгын сүндерү савыты, каты көнкүреш калдыклары өчен тимер-бетон контейнер һәм алюминий капкачлы ПО.
Объект территориясе 2,2 м биеклектәге койма белән әйләндереп алынган. 3 м киңлектәге керү капкасы территориянең төньяк өлешендә урнашкан. Керү юлы һәм боҗралы юл бетон белән капланган.
Төзүче булып «Заманча энергия саклау технологияләре һәм инженерлык коммуникацияләре» ДБУ тора. Техник заказчы – «Татарстан Республикасының төп инженерлык челтәрләре идарәсе» ДКУ. Генераль подрядчы – «Татарстан Республикасы инженерлык челтәрләрен капиталь төзү һәм энергияне сак тоту технологияләрен үстерү идарәсе» АҖ. Проектлаучы – «Евро Акцент Саба» ҖЧҖ.
Йомгаклау тикшерүе 28 августка кадәр дәвам итәчәк. Үткәрелгән контроль-күзәтчелек чаралары нәтиҗәләре буенча карар кабул ителәчәк. Хокук бозулар булмаса, ТР Дәүләт төзелеш күзәтчелеге инспекциясе төзүчегә объектның проект документациясе таләпләренә туры килүе турында бәяләмә бирәчәк. Алга таба Байлар Сабасындагы объект файдалануга тапшырылачак.