Әлмәттә яңа йортта йомгаклау тикшерүе
ТР ДТК инспекциясе тарафыннан «Татарстан Республикасы, Әлмәт шәһәре, Төзүчеләр проспекты, з/у 74 адресы буенча урнашкан күпкатлы торак (1 төзелеш этабы)» объектына күчмә йомгаклау тикшерүе билгеләнде.
Актыккы тикшерүнең предметы булып, төзелеш барышында башкарылган эшләрнең һәм кулланыла торган төзелеш материалларының, шулай ук мондый эшләрнең нәтиҗәләренең проект документлары таләпләренә, шул исәптән энергетика нәтиҗәлелеге һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителү таләпләренә туры килүе тора.
9 катлы йорт төзелеше 2021 елның апрелендә башланган. Бинаның гомуми мәйданы – 14213 кв. метр. Йортта 178 фатир урнашкан, аларның гомуми мәйданы – 9713,90 кв. метр.
Хәзерге вакытта эчке төзекләндерү эшләре, эчке инженерлык системаларын һәм җайланмаларны монтажлау һәм эшләтеп җибәрү эшләре тәмамланган. Объект әзерлекнең югары дәрәҗәсендә тора.
Төзүче булып «ГК Реновация» ҖЧҖ тора. Техник заказчы – «Руслан+» махсуслаштырылган төзүче ҖЧҖ. Проектлаучы – «Приборавтоматиксервис» ҖЧҖ. Төзелеш контролен «Төбәкара төзелеш комплексы» үзкөйләнешле оешма ассоциациясе гамәлгә ашыра.
ТР ДТК инспекциясе ягыннан кисәтүләр булмаган очракта, объектка проект документлары таләпләренә туры килүе турында ярашлылык бәяләмәсе биреләчәк.