Коррупциячел хокук бозуга этәрү очраклары турында хәбәр итү белешмәлеге
Дәүләт хезмәткәре коррупциячел хокук бозуга этәрү максатларында нинди дә булса затларның мөрәҗәгать итүенең барлык очраклары турында да эшкә алучы (эш бирүче) вәкиленә, прокуратура органнарына яки башка дәүләт органнарына хәбәр итәргә бурычлы.
Коррупциячел хокук бозуга этәрү максатларында мөрәҗәгать итү фактлары турында хәбәр итү дәүләт хезмәткәренең вазыйфаи (хезмәт) бурычы булып тора (әлеге фактлар буенча тикшерү уздырылган яки үткәрелә торган очраклардан тыш).
Дәүләт хезмәткәрләренең югарыда күрсәтелгән вазыйфаи (хезмәт) бурычын үтәмәве, аны дәүләт хезмәтеннән азат итүгә яисә Россия Федерациясе законнары нигезендә аны башка төр җаваплылыкка тартуга китерә торган хокук бозу булып тора.
Эшкә алучы (эш бирүче) вәкиленә, прокуратура органнарына яки башка дәүләт органнарына үзен коррупциячел хокук бозу кылуга этәрү максатларында мөрәҗәгать итү фактлары, башка дәүләт хезмәткәрләре тарафыннан кылынган коррупциячел хокук бозу, керемнәре, мөлкәте һәм мөлкәти холыклы йөкләмәләре турында белешмәләр тапшырмау яки төгәл булмаган белешмәләр тапшыру очраклары турында хәбәр иткән дәүләт хезмәткәре Россия Федерациясе законнары нигезендә дәүләт тарафыннан яклана.
(«Коррупциягә каршы көрәш тору турында» 2008 елның 25 декабрендәге 273-ФЗ номерлы Федераль законның 9 статьясы)
Татарстан Республикасы Дәүләт төзелеш күзәтчелеге инспекциясендә Татарстан Республикасы дәүләт граждан хезмәткәрләрен коррупциячел хокук бозуга этәрү максатларында мөрәҗәгать итү фактлары турында эшкә яллаучы вәкиленә хәбәр итү тәртибе 2022 елның 12 апрелендәге 54 номерлы боерык белән расланган