Татарстанда Туган тел көнен һәм Габдулла Тукайның тууына 137 ел тулуны билгеләп үтәчәкләр

2023 елның 24 апреле, дүшәмбе

Ел саен 26 апрельдә Татарстан Республикасында Туган тел көне билгеләп үтелә.

Бәйрәм хәзерге татар әдәби теленә нигез салучыларның берсе, публицист һәм җәмәгать эшлеклесе Габдулла Тукайның туган көнендә билгеләп үтелә.

Бу көнне һәм ай дәвамында Татарстанның барлык муниципаль районнарында һәм, әлбәттә, башкалада истәлекле чаралар һәм тантаналар уза.

2023 елның 26 апрелендә 14.00 сәгатьтә Муса Җәлил исемендәге Татар дәүләт опера һәм балет театры янында Туган тел көненә һәм Габдулла Тукайның тууына 137 ел тулуга багышланган Шигърият бәйрәме узачак, дип хәбәр итә  Татарстан Республикасы Язучылар берлегенең матбугат хезмәте.