Чаллыда «Татнефть-АЗС Центр» ҖЧҖ тарафыннан № 9 АЗС реконструкцияләнде
ТР Дәүләт төзелеш күзәтчелеге инспекциясе «Татнефть-АЗС Центр» ҖЧҖ тарафыннан Чаллы шәһәрендә реконструкцияләнгән 9 нчы автомобиль ягулык салу станциясенә ярашлылык турында бәяләмә бирде. Ул Академик Королёв һәм Машина төзелеше урамнары киселешендә урнашкан.
Юл яны төзелеше объектының мәйданы – 205,50 кв. м. Аны реконструкцияләү 2021 елның декабрендә башланган булган. Башкарылган эшләр проекты кибет һәм кафе белән оператор бүлмәсе биналарын төзүне, автомойка, электр заряды җайланмасын урнаштыруны, ТРК (ягулык тарату колонкасы), ЖМТ (сыеклык-май җылылыкалмаштыргыч) һәм СУГ (сыекландырылган углеводород газы), АЗС һәм ЖМТ һәм СУГ участогы корылмаларын реконструкцияләүне үз эченә ала.
ТР ДТК инспекциясе № 9 АЗСны апрель башында тикшерде, кисәтүләр булмады. Инженерлык системаларын, санитар-техник җиһазларны монтажлау, бизәү эшләре, төзекләндерү эшләре, янгын куркынычсызлыгы, әйләнә-тирә мохитне саклау, халыкның аз хәрәкәтләнүче төркемнәренә файдалану мөмкинлеген тәэмин итү буенча чаралар үтәлеше һәм башкалар тикшерелде.
АЗС генераль подрядчысы – «Нефтестройэнерго» ҖЧҖ. Проектлаучы – «АЗС-Строй» ҖЧҖ.
Хәзерге вакытта автоягулык салу станциясе файдалануга тапшыруга әзер.