«Казан XXI» торак комплексында яңа торак йорт йомгаклау тикшерүе уза

2022 елның 15 ноябре, сишәмбе

ТР Дәүләт төзелеш күзәтчелеге инспекциясе Казанның Совет районы, Гадел Кутуй урамындагы «Казан XXI» торак комплексында урнашкан яңа торак йортны тикшерә.

Капиталь төзелеш объектының төзелеше 2021 елның июнендә башлана. Төзелгән йортта – 19 кат. Гомуми мәйданы 7496,60 кв. м булган фатирлар саны – 162.

Объектны төзүче – «Мой Ритм 2» МТ» ҖЧҖ. Техник заказ бирүче – «АК БАРС Инжиниринг» ҖЧҖ. Генераль подрядчы – «АК Барс Строй» ҖТК ҖЧҖ. Генераль проектчы – «СтандартПроект» ҖЧҖ.

Ахыргы тикшерү беткәннән соң кисәтүләр булмаган очракта, проект документлары таләпләренә туры килүе турында ярашлылык бәяләмәсе биреләчәк.