Алексеевск ш.т.п. яңа торак йортта актыккы тикшерү бара

2022 елның 7 ноябре, дүшәмбе

ТР ДТК инспекциясе тарафыннан Татарстанның Алексеевск муниципаль районында яңа торак йортка актыккы тикшерү үткәрелә.

Капиталь төзелеш объекты Алексеевск ш.т.п., Просторная ур., 40 йорт адресы буенча урнашкан. 

Яңа кирпеч йортта – җир асты өлеше белән 4 кат бар, гомуми мәйданы 1622,40 кв. метр булган 24 фатир урын алган.

Аны төзүче – «Алексеевскдорстрой» ААҖ. Генераль подрядчы – «Стройдорсервис+» ҖЧҖ. Генераль проектчы – «Стройпроект» ҖЧҖ.

Ахыргы тикшерү беткәннән соң кисәтүләр булмаган очракта, проект документлары таләпләренә туры килүе турында ярашлылык бәяләмәсе биреләчәк.