Уразмәт авылында яңа сөт-товар фермасында йомгаклау тикшерүе бара

2022 елның 13 октябре, пәнҗешәмбе

ТР Дәүләт төзелеш күзәтчелеге инспекциясе тарафыннан Татарстанның Мөслим муниципаль районы Уразмәт авылы янындагы яңа сөт-товар фермасына карата тикшерү тәмамланып килә.

Сөт блогы белән фураж көтүе өчен бер катлы терлекчелек комплексы 2400 баш савым сыерга исәпләнгән. Аның гомуми мәйданы – 53786,10 кв. метр.

Ферманы төзүче – «Август-Муслюм» ҖЧҖ. Техник заказчы – «МКР» ҖЧҖ. Генераль подрядчы – «СК «АГРОБАУ АРСК» ҖЧҖ.

Йомгаклау тикшерүе тәмамланганнан соң, ТР ДТК инспекциясенең Көньяк-Көнчыгыш территориаль органы инспекторлары тарафыннан кисәтүләр булмаса, ведомство терлекчелек объектына проект документлары таләпләренә туры килүе турында бәяләмә бирүгә керешәчәк.