«Синергия» индустриаль-технологик паркының 8 нче корпусында йомгаклау тикшерүе уза
«Синергия» индустриаль-технологик паркының 8 нче корпусында күчмә йомгаклау тикшерүе бара, ул Татарстан Республикасының Алабуга муниципаль районындагы «Алабуга» махсус икътисадый зонасында урнашкан. ТР Дәүләт төзелеш күзәтчелеге инспекциясе тарафыннан төзелешнең 2 нче һәм 3 нче этаплары тикшерелә.
Тикшерү фокусында – һәрберсе гомуми мәйданы 37998 кв. метр булган ике бер катлы административ-көнкүреш корпусы (АБК).
«Синергия» индустриаль-технологик паркының 8 нче корпусын төзүче – «Алабуга «СҖТ МИЗ» АҖ. Генераль подрядчы – «Алабуга Девелопмент» ҖЧҖ.
Хәзер объект әзерлек стадиясендә. Белгечләр башкарылган төзелеш-монтаж эшләренең барышын проект документациясе һәм шәһәр төзелеше законнары таләпләренә туры килүен тикшерә. Шулай ук янгын куркынычсызлыгы, әйләнә-тирә мохитне саклау, халыкның аз хәрәкәтләнүче төркемнәренә үтемле шартлар тәэмин итү, санитар-эпидемиологик чаралар үтәлеше дә тикшерелә.
ТР ДТК инспекциясе ягыннан кисәтүләр булмаган очракта, производство билгеләнешендәге объектка проект документациясенең туры килүе турында нәтиҗәләр биреләчәк.
Исегезгә төшерәбез, агымдагы елның 31 маенда ведомство тарафыннан «Синергия» индустриаль-технологик паркы. №8 корпус. 6 нчы төзелеш этабы» объектына ярашлылык бәяләмәсе бирелгән иде.