Чернышевкадагы «Тамчы» («Капля») балалар бакчасына ярашлылык бәяләмәсе бирелде
2022 елның 9 сентябрендә Татарстан Республикасы Дәүләт төзелеш күзәтчелеге инспекциясе тарафыннан капиталь төзелеш объекты – Татарстан Республикасы, Биектау районы, Чернышевка авылы, Чернышевка авыл җирлеге адресы буенча урнашкан «Тамчы» («Капля») балалар бакчасына проект документлары таләпләренә туры килүе турында бәяләмә бирелде.
Төзүче – Биектау муниципаль районы Башкарма комитеты.
Техник заказчы – «Татарстан Республикасының Баш инвестиция-төзелеш идарәсе» дәүләт казна оешмасы.
Проектлаучы – «Татинвестгражданпроект» төп территориаль проект-тикшеренү фәнни-җитештерү фирмасы» ДУП.
Генераль подрядчы – «Аркада Строй Универсал» ҖЧҖ.
Объект төзелеше 2022 елның маенда башланган булган. Бу көннәрдә ТР Дәүләт төзелеш күзәтчелеге инспекциясенең йомгаклау тикшерүе төгәлләнде.
Мәктәпкәчә белем бирү учреждениесе бинасының мәйданы – 2963,50 кв. м, катлар саны – 3. Ул 140 урынга исәпләнгән. Биредә дәресләр һәм бәйрәм чаралары үткәрү өчен музыка залы, спорт залы, уен зонасы, йокы бүлмәсе бар. Балалар бакчасының төзекләндерелгән территориясендә уен мәйданчыклары урнаштырылган.