Түбән Каманың 34 нче микрорайонында мәктәп уку елына әзер
2022 елның 29 августында ТР Дәүләт төзелеш күзәтчелеге инспекциясе Түбән Каманың 34 нче микрорайонында яңа мәктәпкә проект документлары таләпләренә туры килүе турында бәяләмә бирде.
38 сыйныфка исәпләнгән урта гомуми белем бирү мәктәбе төзелеше 2021 елның ноябрендә башланган. Объект бинасы 4 катлы, җир асты өлешсез. Аның гомуми мәйданы – 22455 кв. метр.
Проект нигезендә, уку йортында стандарт кабинетлардан, спорт залыннан һәм ашханәдән тыш, бассейн, конференц-зал, медиаүзәк, хореография залы, тир, атриум каралган, ул чаршаулар һәм күчмә стеналар аркасында театрга яки кинозалга әйләнергә мөмкин.
Төзүче оешма – «Татарстан Республикасы Президенты каршындагы Дәүләт торак фонды» коммерциясез оешмасы. Техник заказчы – «Татарстан Республикасының Баш инвестиция-төзелеш идарәсе» дәүләт казна оешмасы. Проектлаучы – «Форум» архитектура-проект остаханәсе» ҖЧҖ. Подрядчы – «Евростройхолдинг+» ҖЧҖ.