Биектау районында яңа мәктәп йомгаклау тикшерүен узды
ТР Дәүләт төзелеш күзәтчелеге инспекциясенең Татарстан Республикасы Биектау муниципаль районында күчмә йомгаклау тикшерүе тәмамланды. Биектау авылында урнашкан Бертуган Максудилар исемендәге 5 нче урта гомуми белем бирү мәктәбе тикшерелде.
Яңа мәктәп төзелеше 2021 елның августында башланган булган. Аның бинасы өч катка ия һәм 500 урынга исәпләнгән. Инспекцияләнә торган объектның гомуми мәйданы – 8138 кв. метр.
Агымдагы елның июль башыннан биредә бизәкләү эшләре алып барылган. Хәзерге вакытта бөтен территория төзекләндерелгән. Уку йорты әзерлекнең югары дәрәҗәсендә тора.
Төзүче – Биектау муниципаль районы Башкарма комитеты.
Техник заказчы – «Татарстан Республикасының Баш инвестиция-төзелеш идарәсе» дәүләт казна оешмасы.
Генераль проектчы – «Татинвестгражданпроект» төп территориаль проект-тикшеренү фәнни-җитештерү фирмасы» ДУП.
Генераль подрядчы – «Барсэлитстрой» ТК ҖЧҖ.
Йомгаклау тикшерүе уңай тәмамланды. Капиталь төзелеш объектына проект документлары таләпләренә туры килүе турында бәяләмә биреләчәк.