«Синергия» индустриаль-технологик паркының 22 нче корпусында йомгаклау тикшерүе уза
«Синергия» индустриаль-технологик паркы. № 22 корпус. Грабин» объектында күчмә йомгаклау тикшерүе бара, ул Татарстан Республикасының Алабуга муниципаль районындагы «Алабуга» махсус икътисадый зонасында урнашкан. ТР Дәүләт төзелеш күзәтчелеге инспекциясе тарафыннан төзелешнең 1 нче һәм 3 нче этаплары тикшерелә.
Тикшерү фокусында – төрле катлы административ-көнкүреш корпуслары (АБК). Сигез ике катлы бина гомуми мәйданы 10081,50 кв. метр тәшкил итә, берсе – өч катлы – 1799,50 кв. метр.
«Синергия» индустриаль-технологик паркының 22 нче корпусын төзүче – «Алабуга «СҖТ МИЗ» АҖ. Проектлаучы һәм генераль подрядчы – «Алабуга Девелопмент» ҖЧҖ.
Хәзер объект әзерлек стадиясендә. Белгечләр башкарылган төзелеш-монтаж эшләренең барышын проект документациясе һәм шәһәр төзелеше законнары таләпләренә туры килүен тикшерә. Шулай ук янгын куркынычсызлыгы, әйләнә-тирә мохитне саклау, халыкның аз хәрәкәтләнүче төркемнәренә үтемле шартлар тәэмин итү, санитар-эпидемиологик чаралар үтәлеше дә тикшерелә.
ТР ДТК инспекциясе ягыннан кисәтүләр булмаган очракта, капиталь төзелеш объектына һәм төзелеш этабы буенча проект документлары таләпләренә туры килүе турында ярашлылык бәяләмәсе биреләчәк.
Сүз уңаеннан, 2022 елның сентябреннән декабренә кадәр 22 номерлы корпус төзелешенең 2 һәм 4 этапларына йомгаклау тикшерүләре планлаштырылган.
Исегезгә төшерәбез, агымдагы елның 31 маенда ТР Дәүләт төзелеш күзәтчелеге инспекциясе тарафыннан «Синергия» индустриаль-технологик паркы. № 8 корпус. 6 нчы төзелеш этабы» объектына ярашлылык бәяләмәсе бирелгән иде.