Ялтау авылы янында 400 башка исәпләнгән сөт-товар фермасы ярашлылык турында бәяләмә алды
2022 елның 14 июлендә Татарстан Республикасы, Лениногорск муниципаль районы, Ялтау авылы янында урнашкан 400 баш мөгезле эре терлеккә исәпләнгән сөт-товар фермасындагы капиталь төзелеш объектына ТР Дәүләт төзелеш күзәтчелеге инспекциясе тарафыннан проект документларына туры килүе турында бәяләмә бирелде.
Туннель вентиляциясе системасы булган ферма структурасында 1 номерлы сыер абзары, саву-сөт блогы, күчмә галерея, КНС (канализация насос станциясе), тирес саклау урыны бар.
Ферма төзелеше 2021 елның июлендә башланган булган. Бер катлы бинаның гомуми мәйданы – 6233,90 кв. м. Аны төзүче – «Август-Лениногорск» ҖЧҖ. Генераль подрядчы – «СК «АГРОБАУ АРСК» ҖЧҖ. Генераль проектчы – «СК Агробау» ҖЧҖ. Техник заказ бирүче – «МКР» ҖЧҖ.
ТР ДТК инспекциясенең йомгаклау тикшерүләре 2022 елның 27 июненнән 7 июленә кадәр барды. Актыккы тикшерү акты – кисәтүләрсез. Капиталь төзелеш объекты файдалануга тапшыруга әзер.