Зеленодольскның Тиховнин урамы буенча яңа йорт файдалануга тапшырылды
2022 елның 6 июлендә Зеленодольск шәһәренең Тиховнин урамы буенча урнашкан яңа йорт проект документларына туры килүе турында бәяләмә алды. Документ ТР Дәүләт төзелеш күзәтчелеге инспекциясе тарафыннан ведомствоның Көнбатыш территориаль органы инспекторлары тарафыннан уңай йомгаклау тикшерүе нигезендә бирелде.
Объект төзелеше 2020 елның сентябрендә башланган һәм агымдагы елның июнь аенда тәмамланган. Җир асты өлеше булган йортның гомуми мәйданы – 6869,80 кв. м. Анда 10 кат, гомуми мәйданы 4827,80 кв. м булган 80 фатир бар.
Бинаның корылыш схемасы – каркассыз, терәк стеналар катнаштырып урнаштырылган. Фундаменты – анкер субайларында монолит тимер-бетон фундамент тасмасы. Түшәмәләр, бүлгеләр, баскычлар – тимер-бетоннан җыелган. Түбәсе, түшәме – эчке су төшергеч белән җиһазландырылган яссы.
Йортны төзүче – «Зеленодольскгорстрой» МТ» АҖ. Генераль подрядчы – «Луч» ҖЧҖ. Генераль проектчы – «Мастер Арс» ҖЧҖ.