Алабугада яңа йорт тикшерү уза

2022 елның 26 мае, пәнҗешәмбе

ТР ДТК инспекциясенең Көнчыгыш территориаль органы инспекторлары Алабуганың «Танайка» торак районында яңа йортта йомгаклау тикшерүенә кереште.

Йортны төзүче – «Кама-Сервис» ҖЧҖ. Проектлаучы – «УНиК°» ҖЧҖ. Техник күзәтчелекне «Мамадышстрой» ЯАҖ башкара.

Йорт – кирпечтән, өч секцияле, җир асты өлеше бар. Анда өч кат, гомуми мәйданы 1568,60 кв. метр булган 36 фатир бар. Йортка түбәндәге адрес бирелгән: Алабуга шәһәре, Сөембикә ур., 38 йорт.

Капиталь төзелеш объекты әзерлекнең югары дәрәҗәсендә тора. Ахыргы тикшерү нәтиҗәләре буенча кисәтүләр булмаса, объектка ярашлылык турында бәяләмә биреләчәк.