ТАССРның 100 еллыгына багышлап балалар рәсем конкурсы узды

2020 елның 27 ноябре, җомга

ТАССР төзелүнең 100 еллыгы кысаларында Татарстан Республикасының Дәүләт төзелеш күзәтчелеге инспекциясе республиканың бер гасырлык юбилеена багышланган балалар рәсем конкурсын үткәрде.

Конкурста төрле яшьтәге балалар зур кызыксыну белән катнашты. Балалар республикабызның истәлекле урыннарын, Татарстан символларын, татар әкиятләре персонажларын ясаган иде.

Конкурсның максаты – балаларда үз халкының традицион мәдәниятен үзләштерү һәм саклау өчен шартлар тудыру, үз Ватаныңа карата игътибарлы һәм җаваплы караш тәрбияләү.