Лаеш шәһәрендә күзәтчелек эшчәнлеген гамәлгә ашыру өлешендә оештыру мәсьәләләре буенча киңәшмә узды

2018 елның  25 маенда Лаеш шәһәрендә Дәүләт төзелеш күзәтчелеге инспекциясе башлыгының беренче урынбасары Илфарт Сафиуллин җитәкчелегендә киңәшмә узды. Утырыш эшендә хокук идарәсе башлыгы Шамил Рәимов һәм төгәлләнгән төзелеш объектларын кабул итүне күзәтү бүлеге башлыгы Инна Кәримова катнашты. Чара Инспекция хезмәткәрләре өчен күзәтчелек эшчәнлеген гамәлгә ашыру өлешендә оештыру мәсьәләләрен аңлату максатында үткәрелә.