Бердәм дәүләт бәяләмәләр реестры 2017 ел ахырына кадәр формалашып бетәчәк

Капиталь төзелеш объектларының проект документларына экспертиза бәяләмәләренең бердәм дәүләт реестрын формалаштыру һәм алып бару 2017 ел ахырына кадәр тәэмин ителәчәк.

Бердәм дәүләт бәяләмәләр реестрына проект документларына экспертиза бәяләмәләре һәм инженерлык эзләнүләре нәтиҗәләре турында, проект документларын кабат куллану турында, шул исәптән проект документларын кабат куллануның икътисади яктан нәтиҗәле булуы, шулай ук мондый проект документларына экспертиза бәяләмәсе турында системалаштырылган мәгълүматлар кертелә.

Реестр бүлекләрдән тора, аларның һәркайсы аерым бәяләмәгә карата ачыла, үзгәрми, вакыты буенча кабатланмый һәм Россия Федерациясе территориясендә инженерлык тикшеренүләре нәтиҗәләре һәм проект документларына экспертиза бәяләмәсе номеры белән тәңгәлләштерелә.

Проект документларына экспертиза бәяләмәсен бирү бу бәяләмә турындагы мәгълүмат Бердәм реестрга кертелмичә рөхсәт ителми.

Бердәм реестр дәүләтнеке булмаган экспертизаны ясаучы оешмаларга, 2016 елның 3 июнендә кабул ителгән 368-ФЗ номерлы Федераль закон таләпләрен исәпкә алып, яңа эш форматына вакытында күчү өчен кирәкле шартлар тудыру мөмкинлеген биреп, архитектура-төзелеш буенча проект системасында “үтәкүренмәлелек” тәэмин итәчәк, шулай ук Россия Федерациясе субъекты эшчәнлеге нәтиҗәлелеген бәяләүдә критерий булып тора алачак.