Төзелештә бәя билгеләүне үзгәртеп кору концепциясе рәсми тәкъдим ителде, “ТР ДЭББИ” ДАУ аналитик бүлек башлыгы М.М. Афанасьев аңлатмасы

Шушы вакытка кадәр әлеге концепция турында бары тик Россия Төзелеш министрлыгы яки “ФЦЦС” ФАУ вәкилләренең әңгәмәләреннән генә белергә була иде, бу исә юрауларга зур җирлек тудыра иде. Ниһаять, Россия Төзелеш министрлыгы карамагындагы Иҗтимагый совет комиссиясе утырышында “400 көн” дигән яңа бәя билгеләү һәм сметаларны нормалаштыру системасы концепциясе рәсми төстә тәкъдим ителде. Массакүләм мәгълүмат чаралары, Россия төзелеш министры М. Мень сүзләре белән әйткәндә, “төзелештә бәя билгеләү революциясе”н гамәлгә ашыру өчен планлаштырылган чаралар турында мәгълүмат алды.

“400 көн концепциясе” буенча бәя билгеләүдә параллель рәвештә түбәндәге процесслар да җибәрелә:

Хокукый блок:

• РФ шәһәр төзелеш һәм Бюджет кодексларына үзгәрешләр кертү;
• Бәя билгеләү мәсьәләләренә катнашы булган төрле норматив-хокукый актларга үзгәрешләр кертү.

Методик блок:

• Бәя билгеләү һәм сметаларны нормалаштыру өлкәсендә методик материаллар эшләү;
• “Төзелештә бәя билгеләү һәм сметаларны нормалаштыру буенча методик һәм норматив документларның проектларын эшләү тәртибе турында методик күрсәтмәләр” эшләү.

Технологик блок (смета нормативларын актуальләштерү һәм техник яктан инвентарьлаштыру):

• Халык хуҗалыгының барлык тармаклары өчен ГЭСН, ГЕР, НЦС, НЦКР җыентыкларын чыгару;
• Сынау тәртибендә “Ресурсларның бәяләрен мониторинглау системасы”н эшләтеп җибәрү.

Мәгълүмати блок:

• “Бәя билгеләү” дәүләт мәгълүмат системасы өлешен сәнәгать эксплуатациясенә кертү;
• Ресурсларның бәяләрен мониторинглау һәм Смета бәяләренең дөреслеген тикшерү буенча кече системалар эшләү.                                                                                                                                                                         “ТР ДЭББИ” ДАУ