Инспекция хезмәткәрләре йөрәк-кан тамырлары авырулары буенча лекция тыңлады

Инспекция хезмәткәрләре йөрәк-кан тамырлары авырулары буенча лекция тыңлады, аны 11 номерлы шәһәр поликлиникасы хезмәткәрләре үткәрде. Лекция алдыннан теләге булганнарның кан басымын үлчәделәр.

Мондый акцияләр Россия Федерациясе Хөкүмәтенең 2015 елның 5 мартындагы “2015 елда РФдә Йөрәк-кан тамырлары авырулары белән көрәш елы үткәрү буенча төп чаралар планын раслау турында”гы 367-р номерлы әмернамәсен һәм Татарстан Республикасы Президентының 2015 елның 7 мартындагы 261-ПУ Указын үтәү максатында үткәрелә.

Белешмә өчен.

Төп фактлар:

• Йөрәк-кан тамырлары авырулары (ЙКТА) бөтен дөньяда үлемгә китерүче төп сәбәпләрнең берсе булып тора: башка бер генә сәбәптән дә шул хәтле кеше дөнья белән хушлашмый.
• Бәяләүләренә караганда, 2012 елда ЙКТ авыруларыннан 17,5 миллион кеше үлгән, бу дөньядагы үлем очракларының 31%ын тәшкил иткән. Шулар арасыннан 7,4 миллион кеше йөрәкнең ишемия авыруыннан һәм 6,7 миллион кеше йөрәк өянәгеннән һәлак булган.
• ЙКТ авыруларыннан үлүнең 75%тан артык очрагы түбән һәм урта керемле илләрдә теркәлә икән.
• 70 яшькә кадәрге чорда йогышлы булмаган авырулардан булган 16 миллион очракның 82%ы түбән һәм урта керемле илләргә, ә 37% очрак ЙКТА туры килә.
• Йөрәк-кан тамырлары авыруларының күп өлешен тәмәке тарту, дөрес тукланмау һәм симерү, физик активлык булмау һәм алкогольдән файдалану кебек куркыныч янаган очракларда барлык халыкны колачлап алучы стратегия ярдәмендә кисәтеп була.
• ЙКТА интегүче кешеләрнең яки мондый авыру куркынычы (берничә куркыныч янау факторы булу, югары кан басымы, диабет, гиперлипидемия, яки инде баш калкыткан чирләр аркасында) янаганнарның авыруларын башлангыч чорда ачыкларга һәм киңәш бирү юлы белән, кирәк булганда, дару чаралары кулланып, ярдәм итәргә кирәк.

Тулырак итеп Бөтендөнья сәламәтлек саклау оешмасы сайтында http://www.who.int/mediacentre/factsheets/fs317/ru/ укыгыз.

Бөтендөнья сәламәтлек саклау оешмасы материаллары нигезендә ТР ДТКИ матбугат хезмәте