Мәктәпләргә капремонт буенча барлык 136 объектта эш башланган

2015 елның 30 апреле, пәнҗешәмбе
Татарстан Республикасында ДТИ (ГЖИ) мәгълүматлары буенча 2015 елның 29 апреленә 42 муниципаль районда 2 мең 652 инспекция тикшерүе уздырылган, аның нәтиҗәләре буенча 10 районда техникакуркынычсызлыгын бозу очраклары ачыкланган. 

Бу хакта бүген ТР Хөкүмәте йортында уздырылган киңәшмәдә ТР төзелеш, архитектура һәм ТКХ министрының беренче урынбасары Фәрит Хәнифов хәбәр итте.

Киңәшмәне республиканың барлык муниципаль районнары белән видеоконференцэлемтә режимында ТР Премьер-министры Илдар Халиков уздырды.

Мәктәпләргә капремонт буенча 29 апрельгә барлык 136 объектта эш башланган. 

Балаларны сәламәтләндерү лагерьларына капремонт программасы кысаларында 2015 ел программасын финанслауның күләме 76 млн. сум тәшкил итә. 14 лагерьда капремонт планлаштырылган. 

Яшүсмерләр клубларын ресонтлау буенча шулай ук 28 объектта эш башланган.

Фәрит Хәнифов шулай ук ТР Газлаштыру фондының программасын тормышка ашыру турында хәбәр итте. 2015 елда 3 мең 828 фатирны индивидуаль җылыту системасына күчерү планлаштырыла.

2015 елда “Авылларны су белән тәэмин итү” программасы кысаларында 301,3 км суүткәргеч челтәр төзү, 38 артезиан скважинасын бораулау һәм 38 су башнясын урнаштыру планлаштырыла. 

ИлдарХаликов киңәшмә барышында май ае башындагы бәйрәм көннәре республиканың төзүчеләре өчен ял саналмый, дип белдерде. Аның сүзләренчә, төзелеш объектларындагы эшне көчәйтү өчен һәрбер җылы көнне файдаланырга кирәк.


ТР Президенты матбугат хезмәте, Елена Бритвина
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
ИНСПЕКЦИЯ
НОРМАТИВ ДОКУМЕНТЛАР
Матбугат хезмәте
МӨРӘҖӘГАТЬЛӘР
Адрес: 420111 Казан шәһәре, Зур Кызыл урамы, 15/9
Телефон: +7 (843) 237-91-87
Факс: +7 (843) 237-97-53
E-Mail: gsn@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International