Илдар Халиков Казанда 2015 елгы Спортның су төрләре буенча дөнья чемпионаты узачак объектларны карап чыкты

2015 елның 14 апреле, сишәмбе
Бүген Татарстан Премьер-министры Илдар Халиков Казанда 2015 елгы Спортның су төрләре буенча XVI дөнья чемпионаты узачак объектларны карап чыкты. Аны ТР төзелеш, архитектура һәм ТКХ министры Ирек Фәйзуллин, ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов, ТР яшьләр эшләре һәм спорт министры Владимир Леонов, ТР эчке эшләр министры Артем Хохорин озата йөрде.

Беренче булып “Буревестник” йөзү бассейнын карадылар. Чемпионат вакытында ул тренировкалар уздыру объекты буларак файдаланылачак. 

Алга таба Илдар Халиков Универсиада авылына юнәлде, анда ярышлар вакытында барлык спортчыларны урнаштыру планлаштырыла. Илдар Халиков булачак кунакларның яшәү шартлары белән танышты, барлык кимчелекләрне 1 майга кадәр бетерергә кушты.

Туклану пунктлары Универсиада авылы янындагы Халыкара мәгълүмат үзәгендә оештырылачак. Монда Илдар Халиков кунакларны утырту планы һәм төп кухня проекты белән танышты.

ТР Премьер-министры шулай ук Спортның су төрләре сарае белән танышты. Ул чемпионатның төп ярышлар ареналарының берсе булачак. МЧС хезмәткәрләре сүзләренчә, бу объектта 20 янгын куркынычсызлыгы таләпләрен бозу ачыкланган. 

Илдар Халиков “Казан-Арена” стадионында бассейннар һәм вакытлыча тамашачылар трибуналарын урнаштыру эшләрен тикшерде. Бүгенге көндә төзелеш эшләре дәвам итә. Премьер-министр стадионның конференцияләр залында кыска киңәшмә уздырды.

Моннан тыш, Илдар Халиков һәм аны озата йөрүчеләр “Акчарлак”, “Олимп”, һәм “Оргсинтез” йөзү бассейннарын карадылар. 

Иң соңыннан Казансу елгасының сул ярында Казан Кремле астында мәйданчыкны карадылар. Монда хай-дайвинг һәм ачык суда йөзү буенча ярышлар уздыру өчен махсус корылмалар урнаштырылачак. Бу участокта елга төбен тирәнәйтү эшләре бара.

Искә төшерәбез, Казанда 2015 елгы Спортның су төрләре буенча XVI дөнья чемпионаты 24 июльдән 9 августка кадәр булачак. 


ТР Президенты матбугат хезмәте, Булат Низамиев
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
ИНСПЕКЦИЯ
НОРМАТИВ ДОКУМЕНТЛАР
Матбугат хезмәте
МӨРӘҖӘГАТЬЛӘР
Адрес: 420111 Казан шәһәре, Зур Кызыл урамы, 15/9
Телефон: +7 (843) 237-91-87
Факс: +7 (843) 237-97-53
E-Mail: gsn@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International