Илдар Халиков: Республика министрлыклары һәм ведомстволарының эшчәнлек нәтиҗәлелеген камилләштерү - Татарстан үсешенең мөһим элементы

2015 елның 6 апреле, дүшәмбе
Республика министрлыклары һәм ведомстволарының эшчәнлек нәтиҗәлелеген камилләштерү - Татарстан үсешенең мөһим элементы. Бу хакта бүген ТР дәүләт гражданнар хезмәткәрләренең квалификациясен күтәрү программасында катнашучылар белән очрашуда ТР Премьер-министры Илдар Халиков белдерде. 
Бу чара Казанда КФУның Н.И. Лобачевский исемендәге фәнни китапханәсендә узды. Очрашуда шулай ук ТР Президенты каршындагы Дәүләт хезмәткәрләре һәм кадрлар департаменты җитәкчесе Александр Белов, КФУ ректоры Илшат Гафуров катнашты.

Программада катнашучыларга мөрәҗәгать итеп, Илдар Халиков, Татарстан Республикасында дәүләт хезмәткәрләренең квалификациясен күтәрүгә зур игътибар бирелә, дип белдерде.

Премьер-министр билгеләгәнчә, укулар Татарстанның Республикасының 2030 елга кадәр социаль-икътисади үсеш стратегиясен эшләү кысаларында узачак. Катнашучылар бу документы эшләүчеләр белән очрашырга, шулай ук аны әзерләүгә үз өлешләрен кертергә мөмкин. 

Дәүләт хезмәткәрләре укуларыннан өзелмәсен өчен, Илдар Халиков республика министрлыгы һәм ведомствосы җитәкчеләренә, аларның хезмәткәрләрен дәресләрдән өзмәүне сорап, телеграмма әзерләргә кушты.

Александр Белов сүзләренчә, укуларның нәтиҗәләре буенча программада катнашучылар төрле социаль-икътисади проектлар әзерләргә тиеш. Илдар Халиков бу проектларның һәрберсе белән шәхсән үзе танышачагын ассызыклады.

Искә төшерәбез, ТР дәүләт гражданнар хезмәткәрләренең квалификациясен күтәрү программасы буенча укулар Казанда 2015 елның 6-8 апрелендә узачак. Катнашучылар өчен юрисдикция, икътисад, психология өлкәләрендә белгечләрне чакырып, төрле тренинглар һәм мастер-класслар оештырылачак.
ТР Президенты матбугат хезмәте, Булат Низамиев
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
ИНСПЕКЦИЯ
НОРМАТИВ ДОКУМЕНТЛАР
Матбугат хезмәте
МӨРӘҖӘГАТЬЛӘР
Адрес: 420111 Казан шәһәре, Зур Кызыл урамы, 15/9
Телефон: +7 (843) 237-91-87
Факс: +7 (843) 237-97-53
E-Mail: gsn@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International