Татарстан Республикасының Дәүләт төзелеш күзәтчелеге инспекциясе

Татарстанда күп фатирлы торак йортларга капремонт программасы кысаларында 240,9 мең гражданның торак шартларын яхшырту планлаштырыла

2015 елның 4 апреле, шимбә

2015 елда Татарстанда күп фатирлы йортларда капремонт программасы кысаларында 240,9 мең гражданның торак шартларын яхшырту планлаштырыла. Капремонт эшләре 42 муниципаль берәмлекнең 999 күп фатирлы йортның 833ендә башланган. Бу хакта ТР Хөкүмәте йортында узган республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.

Киңәшмәне республиканың барлык муниципаль районнары белән видеоконференцэлемтә режимында Татарстан Республикасы Премьер-министры Илдар Халиков уздырды.

Ирек Фәйзуллин шулай ук хәбәр иткәнчә, 2015 елга мәктәпләргә капремонт кысаларында 136 объектның 135ендә эш башланган, шул исәптән 119 гомуми белем бирү мәктәбе, 7 коррекцияләү мәктәбе һәм 9 мәктәпкәчә белем бирү оешмаларында.

Моннан тыш, 2015 елда капремонт ясалачак балалар сәламәтләндерү лагерьларының исемлеге расланды. Бу исемлеккә 76 млн. сумга 14 объект кергән.

Мәдәният объектларына капремонт программасына килгәндә, бу юнәлештә эш барлык 29 объектта башланган.

Яшүсмерләр клубларына капремонт ясау да тулысынча алып барыла, 2015 елда 28 объектка ремонт ясалачак.

Ирек Фәйзуллин шулай ук җылыту системасын индивидуаль казаннарга күчерү программасын гамәлгә ашыруның барышы турында сөйләде. ТР да газлаштыру фонды тарафыннан 2015 елда 3 мең 828 фатирны индивидуаль җылыту системасына күчерү планлаштырыла.

Авылларда су белән тәэмин итүне яхшырту программасы буенча 2015 елда 301,3 км суүткәргеч челтәрләр төзү, 38 артезиан скважинасы бораулау һәм 45 су башнясы урнаштыру каралган.

Министр шулай ук участок ветеринария пунктларының төзелеше һәм ветеринария берләшмәләре һәм авыл хуҗалыгы идарәсенә капремонтның барышы турында хәбәр итте.

Илдар Халиков киңәшмә барышында берничә район җитәкчесенең игътибарын кайбер объектларның төзелеше түбән темпта баруга юнәлтте. Бу эшләрне башкаруга акча бар, эш темпларын түбәнәйтерлек проблемалар юк, дип искәртте ул.

Премьер-министр шулай ук муниципаль район башлыкларын санитар-экологик икеайлыкны уздыруга җитди игътибар итәргә чакырды.

ТР Президенты матбугат хезмәте

БАРЛЫК ЯҢАЛЫКЛАРНЫ УКУ