Казанда БРИКС халыкара төзелеш атналыгы узачак
2026 елның 10-13 ноябрендә Казанда «Казан Экспо» МВЦ мәйданчыгында БРИКС халыкара төзелеш атналыгы узачак. Бу Рәсәй, БРИКС һәм БДБ илләреннән хакимият вәкилләрен, девелоперларны, инвесторларны, архитекторларны һәм җитештерүчеләрне берләштерәчәк төп тармак вакыйгасы. Форумның төп темасы – «Тармак бердәмлеге».
Катнашучыларны нәрсә көтә
Эшлекле программа көннәр буенча дүрт тематик блокка бүленгән:
10 ноябрь (икътисад, аналитика һәм технологияләр): күчемсез милек базары трендлары һәм төзелеш тармагында ЯИ куллану турында фикер алышу. Спикерлар арасында – Наталья Зубаревич, Валерий Федоров (ВЦИОМ), Евгений Черешнев (МТС).
11 ноябрь (дәүләт һәм бизнес): РФ төзелеш һәм ТКХ министры Ирек Фәйзуллин һәм Мисыр, Индонезия һәм КХР профильле министрлары катнашында «Төзелеш тармагы кадрлары» сессиясе. Шулай ук «Тормыш өчен инфраструктура» Дәүләт Советы, ИЖС Бөтенрәсәй форумы һәм BRICS Property Awards премиясен тапшыру тантанасы узачак.
12 ноябрь (финанслар, бизнес, архитектура): халыкара бизнес-хезмәттәшлек, коммерцияле күчемсез милек һәм цифрлаштыру турында бәхәсләр. Катнашуга Эмин Агаларов, Аркадий Новиков, Артемий Лебедев, Борис Зарьков чакырылган. «РЕБУС 2026» форумының архитектура секциясе һәм пленар утырышы узачак.
13 ноябрь (сату һәм маркетинг): Сату һәм маркетинг көне, Риелторлык бизнесы көне. Атнаны «Татнефть Арена»да Баста һәм «Отпетые мошенники» төркеме концерты тәмамлаячак.
Күргәзмәләр һәм махсус вакыйгалар
Чара кысаларында ике масштаблы күргәзмә узачак:
Күчемсез милек күргәзмәсе: 50дән артык төзүче катнашачак, алар үзләренең яңа торак комплексларын тәкъдир итәчәк.
«Стройка» төзелеш материаллары күргәзмәсе: анда 70тән артык төзелеш материаллары, техника, инженер системалары һәм IT-чишелешләр җитештерүчеләр тәкъдим ителәчәк.
Оештыручылар:
Оештыручылар булып Татарстан Республикасы Төзелеш, архитектура һәм ТКХ министрлыгы, Рәсәй Төзелеш министрлыгы ярдәмендә республика Сәүдә-сәнәгать палатасы белән берлектә тора. Оештыру комитеты рәисе итеп РФ Төзелеш һәм ТКХ министры Ирек Фәйзуллин, рәистәше итеп Татарстан Республикасы Рәисе Рөстәм Миңнеханов билгеләнде.
Ничек катнашырга
Тулырак программа, катнашу шартлары һәм теркәлү чараның рәсми сайтында мөмкин: https://bricsweek.ru/. 10-11 ноябрь көннәрендә эшлекле программага керү өчен теркәлү бушлай.
