«Инспектор» кушымтасы сынауда: Рәсәй Икътисадый үсеш министрлыгы катнашында киңәшмә узды
Бүген, 28 августта, Татарстан Республикасы Дәүләт алкоголь инспекциясе офисында Рәсәй Икътисади үсеш министрлыгы делегациясе, шулай ук «Инспектор» мобиль кушымтасын техник эшләүчеләр катнашында киңәшмә узды.
ТР Дәүләт төзелеш күзәтчелеге инспекциясеннән җыелма анализ бүлеге башлыгы Елена Харитонова, Казан шәһәре буенча капиталь төзелеш объектларын төзү һәм реконструкцияләүне күзәтчелек итү буенча территориаль орган хезмәткәрләре – җитәкче урынбасары Илдар Хәлимов, 4нче бүлек башлыгы Ленар Хәкимов, 5нче бүлекнең өлкән белгече Кирилл Коныжов катнашты.
Утырышта «Инспектор» мобиль кушымтасының эшләве һәм куллану мәсьәләләре, клиент (инспектор) юллары һәм федераль мәгълүмат системаларын алга таба эшләп бетерүгә кертү максатында проблемаларны ачыклау турында фикер алыштылар.
Исегезгә төшерәбез, кичә, 27 августта, ике көнлек эш визиты кысаларында «Дата Солюшн» ҖЧҖ вәкилләре Казан шәһәренең Совет районында урнашкан «Җиденче күк» торак районының М-1 микрорайонындагы ПК-9 эшләтеп җибәрү комплексында булдылар. Очрашу барышында ТР Дәүләт төзелеш күзәтчелеге инспекциясе белгече Ленар Хәкимов «Инспектор» мобиль кушымтасының мөмкинлекләрен күрсәтте, әлеге кушымта белән эшләгәндә килеп туган проблемалар турында сөйләде.
Чара Татарстан Республикасы Икътисад министрлыгы тарафыннан оештырылды. Аның нәтиҗәләре буенча яклар «Инспектор» мобиль кушымтасын эшләп бетерү һәм контроль-күзәтчелек эшчәнлеге практикасына кертү буенча хезмәттәшлекне дәвам итү турында килештеләр. Уртак карарларны гамәлгә ашыру ведомствоара хезмәттәшлек кысаларында даими рәвештә контрольдә тотылачак.
#gosstroinadzor_rt #Татарстан #Строительство
