Яшь кукмаралыларга – яңа гимназия
Яшь кукмаралылар өчен шатлыклы вакыйга якынлаша. 1 сентябрьдә Татарстан Республикасы Кукмара муниципаль районының Манзарас авылында яңа мәктәп үз ишекләрен ачарга әзерләнә. ТР Дәүләт төзелеш күзәтчелеге инспекциясе объектны төзүчегә проект документациясе таләпләренә туры килү турында бәяләмә бирде, дип хәбәр итә ведомство башлыгы Вәли Нәҗмиев.
Төзүче – Татарстан Республикасы Кукмара муниципаль районының «Манзарас авыл җирлеге» муниципаль берәмлеге. Техник заказ бирүче – «Татарстан Республикасының Баш инвестиция-төзелеш идарәсе» ДКУ. Проектлаучы һәм генераль подрядчы – «Булгарстройкомплект» ҖЧҖ.
Белем бирү учреждениесе Чыңгыз Айтматов исемендәге 1 нче гимназия статусын алды, аның сыйдырышлылыгы – 500 укучы урыны. 9 мең кв. метрдан артык мәйданлы өч катлы бинада спорт залы, ашханә, китапханә һәм алдынгы җиһазлар белән җиһазландырылган сыйныфлар урнашкан.
Шунысын да билгеләп үтәргә кирәк, проект «Гаилә» милли проекты һәм «Авыл территорияләрен комплекслы үстерү» федераль программасы кысаларында Татарстан Рәисе Рөстәм Миңнеханов ярдәме белән гамәлгә ашырылды. Бу белем алу өчен уңайлы шартлар тудырырга мөмкинлек бирәчәк һәм Манзарас һәм якын-тирәдәге торак пунктларда яшәүчеләр өчен яңа мөмкинлекләр ачачак.
#gosstroinadzor_rt #Татарстан #Строительство #нацпроекты
