Казанның «Гаилә» торак комплексында 509 фатирлы торак йорт төзелгән
ТР Дәүләт төзелеш күзәтчелеге инспекциясе Казанның Идел буе районының М-14 торак районында урнашкан 2-2-2 номерлы торак булмаган биналы яңа йортны тикшерә, дип хәбәр итә ведомство башлыгы Вәли Нәҗмиев.
«Гаилә» торак комплексында урнашкан социаль ипотека йортында яшәүчеләр өчен гомуми мәйданы 25211,50 кв. метр булган 509 фатир төзелгән.
Йорттагы барлык фатирлар чиста бизәлештә тапшырылачак һәм сантехника, электр плитәләре, янгын сигнализациясе датчиклары, суны, электр энергиясен исәпкә алу счетчиклары һәм җылылык регуляторлары белән җиһазландырылачак.
Йорт яны территориясен төзекләндерүгә аерым игътибар бирелде: парковка урыннары җиһазландырылды, тышкы яктырту монтажланды, заманча балалар мәйданчыклары, кече архитектура формалары һәм уңайлы шәһәр мохитенең башка элементлары урнаштырылды.
Объектны төзүче – Татарстан Республикасы Рәисе каршындагы Дәүләт торак фонды.
Гражданнарыбызның торак белән тәэмин ителешен арттыру – «Яшәү өчен инфраструктура» милли проектының төп бурычларының берсе.
#gosstroinadzor_rt #Татарстан #Строительство #нацпроекты
