«Усадьба Царёво-2» торак комплексы киңәя бара
ТР Дәүләт төзелеш күзәтчелеге тарафыннан «ТР Питрәч муниципаль районында «Усадьба Царёво-2» торак комплексындагы 1 нче торак йорт, 1 нче блок, 2 нче блок» объектының проект документациясе таләпләренә туры килү-килмәвенә карата тикшерү алып барыла.
Торак йорт – кирпечтән, җылытыла торган һәм вентиляцияләнә торган фасадлы. Фундамент тибы – монолит тимер-бетон белән субайлар. Түбә тибы – яссы. Бинаның гомуми мәйданы 32032,30 кв. метр тәшкил итә.
1 нче блок – биш секцияле, 1 нче катта торак булмаган бүлмәләр урнаштырылган. Катлар – 7-8 кат. 2 нче блок – сигез секцияле. Аның катлары – 6-8.
Булачак яшәүчеләр өчен гомуми мәйданы 21962,50 кв. метр булган 494 фатир төзелгән. Шулардан бер бүлмәле – 254 фатир, ике бүлмәле – 191, өч бүлмәле – 49.
Күзәтчелек астындагы бөтен объектның йорт яны территориясе төзекләндерелгән. Анда спорт белән шөгыльләнү һәм ял итү өчен балалар мәйданчыклары җиһазландырылган.
Төзүчесе – «УнистройДом-2» төзелеш компаниясе» ҖЧҖ. Техник заказ бирүче – «Стандарт» төзелеш компаниясе» ҖЧҖ. Генераль подрядчы – «Аманат төзелеш компаниясе» ҖЧҖ. Генераль проектлаучы – «Монолит» проект бюросы» ҖЧҖ.
«Усадьба Царёво-2» торак комплексы – «Унистрой» компаниясенең Татарстанның Питрәч районында урнашкан яңа проекты. Ул шәһәр фатирларында уңайлы яшәү шартларын тәкъдим итә, әмма шул ук вакытта шәһәр читендәге комплекстагы кебек табигатькә якынлык белән ләззәтләнергә мөмкинлек бирә. Әлеге торак комплекс республиканың ямьле районында, Казаннан 10 минутлык юлда урнашкан.
