Казанның Таҗи Гыйззәт урамында 43 фатирлы яңа йорт төзелде

2025 елның 7 феврале, җомга

ТР Дәүләт төзелеш күзәтчелеге Казан шәһәренең Вахитов районында Таҗи Гыйззәт урамындагы җир асты автостоянкасы булган торак комплекстагы яңа йортны тикшерә.

Объект төзелеше 2023 елның гыйнварында башланган. Йорттагы катлар саны алмашынучан – 3-4. Аның гомуми мәйданы 8000 кв. метрдан артык.

Вахитов районында яшәүчеләр өчен гомуми мәйданы 3130,90 кв. метр булган 43 фатир төзелгән.

Объектларны төзүче – «Тэкоресурс» МТ» ҖЧҖ. Техник заказ бирүче – «Орландо» ҖЧҖ. Генераль подрядчы – «Родос» ҖЧҖ. Генераль проектчы – «Проектное Бюро Проектория» ҖЧҖ.