Зеленодольскида тугыз катлы ике яңа йорт төзелде

2025 елның 3 феврале, дүшәмбе

ТР Дәүләт төзелеш күзәтчелеге инспекциясе «Зелёная долина» торак комплексы. Төзелешнең 2 нче чираты. 1 нче корпус һәм 2 нче корпус» объектына проект документациясе таләпләренә туры килүе турында бәяләмә бирде.

Ике йорт та тугыз катлы. Беренче йортта – дүрт блок-секция, 141 фатир. Икенчесендә – ике блок-секция, 61 фатир. Шәһәр халкы өчен барлыгы 202 фатир әзер.

Йорт яны территориясе төзекләндерелгән, балалар һәм спорт мәйданчыклары белән җиһазландырылган.

Төзүче  – «СЗ Зелёная долина» ҖЧҖ. Генераль подрядчы – «Эверал» финанс төзелеш компаниясе» ҖЧҖ.  Проектлаучы – «АртТехПроект» ҖЧҖ.