Казанда Сапугольцев утары реставрацияләнде
ТР Дәүләт төзелеш күзәтчелеге инспекциясе Казанның тарихи өлешендә урнашкан XVIII – XIX гасырларның реставрацияләнгән һәм реконструкцияләнгән утарының проект документациясе таләпләренә туры килүе турында бәяләмә бирде (Рәхмәтуллин/Профсоюзная ур., 8/11 й., литерлар 3, 5).
Бина ике катлы, турыпочмаклы формада, дворяннар җыены кунакханәсенең тышкы стенасына якын урнашкан. Элек биредә ат абзары һәм кареталар булган, ә өске катта – киптергечләр.
Сапугольцев утары буларак билгеле төбәк әһәмиятендәге мәдәни мирас объектын торгызу 2021 елның сентябрендә башланган. Фасад, бизәкләү эшләре, инженерлык челтәрләрен монтажлау, территорияне төзекләндерү эшләре башкарылган.
Төзүче – «Прогресс» ҖЧҖ. Техник заказ бирүче – «АК БАРС Инжиниринг» ҖЧҖ. Генподрядчы – «АК Барс Строй» ПТК ҖЧҖ.
