Казанда 60 урынга исәпләнгән хоспис төзелде

2023 елның 27 декабре, чәршәмбе

 2023 елның 27 декабрендә ТР Дәүләт төзелеш күзәтчелеге инспекциясе «Казан шәһәрендә 60 урынга исәпләнгән хоспис бинасы төзелеше» объектына проект документлары таләпләренә туры килүе турында ярашлылык бәяләмәсе бирде.

Объект – ике катлы. Бинаның гомуми мәйданы – 8754,80 кв. метр.

Төзүче – Анжела Вавилова исемендәге ТР Лейкемия белән авыручы балаларга ярдәм итү Төбәк иҗтимагый хәйрия фонды.

Техник заказчы – «Татарстан Республикасының Төп инвестиция-төзелеш идарәсе» дәүләт казна оешмасы.

Генераль подрядчы – «СпецстройСервис» ҖЧҖ.

Генераль проектчы – «Татинвестгражданпроект» төп территориаль проект-тикшеренү фәнни-җитештерү фирмасы» ДУП.