Биектау бистәсендәге поликлиника ярашлылык бәясе алырга әзерләнә
Татарстан Республикасының Дәүләт төзелеш күзәтчелеге инспекциясе «Биектау үзәк район хастаханәсе» ДАССУ поликлиникасы» төзелеш объектының проект документларына туры килү-килмәве турында бәяләмә бирүгә әзерлек эшләре алып бара.
Объект Татарстан Республикасы, Биектау муниципаль районы, Биектау тимер юл станциясе поселогы, Зеленая урамы, 3 нче йорт адресы буенча урнашкан.
Поликлиника төзелеше 2021 елның апрелендә башланган. Сәламәтлек саклау учреждениесе өч катлы, мәйданы – 2723,90 кв. м.
Төзүче – «Биектау үзәк район хастаханәсе» дәүләт автоном сәламәтлек саклау учреждениесе.
Генераль проектлаучы – Татарстан Республикасының «Татинвестгражданпроект» баш территориаль проект-тикшеренү фәнни-җитештерү фирмасы» дәүләт унитар предприятиесе.
Техник заказ бирүче – «Татарстан Республикасының Баш инвестиция-төзелеш идарәсе» дәүләт казна учреждениесе.
Генераль подрядчы – «Алтын Групп» ТК ҖЧҖ.
«Биектау үзәк район хастаханәсе» ДАССУ 1994 елның июнендә нигез салынган. Эшчәнлекнең төп төре – хастаханә оешмалары эшчәнлеге. Яңа поликлиникадан тыш, филиаллар да бар:
- Усад табиблар амбулаториясе;
- Балалар поликлиникасы;
- Гомуми практика табибы офисы;
- Биектау табиблар амбулаториясе;
- Бөреле табиблар амбулаториясе;
- Дөбъяз участок хастаханәсе;
- Мәмдәл табиблар амбулаториясе;
- Чыпчык табиблар амбулаториясе.