Биектау авылында ябык йөзү бассейнына ярашлылык турында бәяләмә бирелде
2020 елның 23 июлендә, Татарстан Республикасы Дәүләт төзелеш күзәтчелеге инспекциясе төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланылган энергетика ресурсларын исәпкә алу җайланмалары белән тәэмин ителү таләпләренә җавап бирүе турында ярашлылык бәяләмәсе тапшырып, Биектау авылындагы ябык йөзү бассейнының әзер булуын раслады.
Яңа йөзү комплексында проект белән 25 метрлы зурлар бассейны һәм 10 метрлы балалар бассейны каралган. Корылмада шулай ук суның сыйфатын тикшерү өчен химик лаборатория, душ, киенү-чишенү бүлмәләре, административ һәм хуҗалык-көнкүреш бүлмәләре бар, мөмкинлекләре чикләнгән кешеләр өчен уңайлыклар каралган.
Спорт объекты Татарстан Республикасы Биектау муниципаль районының Биектау авылындагы Сосновая урамында урнашкан. Бинаның гомуми мәйданы 1498,4 кв. метр тәшкил итә.