Көньяк-Көнчыгыш территориаль орган җитәкчесе урынбасарына ТАССРның 100 еллыгына багышланган истәлек билгесе тапшырылды
ТР Дәүләт төзелеш күзәтчелеге инспекциясе башлыгы Василий Кудряшов Капиталь төзелеш объектлары төзелешен һәм үзгәртеп корылышын күзәтү буенча Көньяк-көнчыгыш территориаль орган җитәкчесе урынбасары Шәйхетдинов Фәрит Әхтәм улына ТАССРның 100-еллыгына истәлекле билге тапшырды.
57 яшьлек Фәрит Әхтәм улы Әлмәт районының Түбән Абдул авылыннан, Әлмәт төзелеш техникумын һәм РФ Эчке эшләр министрлыгының юридик институтын тәмамлаган. 1987 елдан 2004 елга кадәр Әлмәт шәһәре Эчке эшләр идарәсендә хезмәт иткән. 2004 елдан башлап Татарстан Республикасының Дәүләт төзелеш күзәтчелеге инспекциясендә Көньяк-көнчыгыш территориаль орган җитәкчесе урынбасары вазыйфасында хезмәт эшчәнлеген башкара.
«Хезмәттәге батырлыгы өчен» медале бар. Эш вакытында төзелеш тармагында озак еллар нәтиҗәле хезмәте өчен Төзелеш, архитектура һәм торак-коммуналь хуҗалыгы министрлыгының Мактау грамоталары белән бүләкләнгән. Намуслы хезмәте һәм төзелеш комплексын үстерүгә керткән зур өлеше өчен Татарстан Республикасы Министрлар Кабинетының Рәхмәт хаты белән бүләкләнгән.