Төзүче оешмалар игътибарына! Путин коронавирус пандемиясе шартларында бизнеска ярдәм итү чаралары турындагы законга кул куйган
ТР Дәүләт төзелеш күзәтчелеге инспекциясе кече һәм урта эшкуарлык субъектлары өчен искәртеп уза: 2020 елның 8 нче июненнән башлап административ штрафларны түләү срокларын исәпләү үзенчәлекләрен билгели торган Федераль закон үз көченә керде.
«Икътисадны тотрыклы үстерүне тәэмин итүгә һәм яңа коронавирус йогышы таралуын булдырмауга юнәлдерелгән кичектергесез чаралар күрү максатларында Россия Федерациясенең аерым закон актларына үзгәрешләр кертү турында» 2020 елның 8 июнендәге 166-ФЗ номерлы әлеге Федераль законга Владимир Путин кул куйган.
Федераль закон нигезендә икътисадның тотрыклы үсешен тәэмин итүгә һәм яңа коронавирус йогышы таралуын булдырмый калуга юнәлдерелгән берничә чара күздә тотыла.
Шулай итеп, 2020 елда кече һәм урта эшкуарлык субъектлары өчен административ штрафларны түләү срогы 60 көннән 180 көнгә кадәр арттырылган. Бу чаралар кыска вакыт эчендә штраф түләү проблемалы булган шартларда бизнеска ярдәм итүгә юнәлдерелгән.
Нигезләмә кайбер административ хокук бозуларга, шул исәптән халыкның санитар-эпидемиологик иминлеген тәэмин итү өлкәсендәге законнарны бозуга кагылмаячак.